هام جدا .. الى كل اعضاء المنتدى

اهلا بيكم كلكم يا جماعة

كنت باتصفح على شبكه الويب فى مره
وصادفت موقع جميل جدا

الموقع ده عملوه طلبه اعدادى بهندسه عين شمس
طالب عمل الموقع والناس كلها بدأت تدخل وتشارك
عملوا ايه هما بقى:

زبطوا الاقسام قالوا لكل الطلبه عليه
قالوا للدكاتره والمعيدين وكل معيد كان بيدخل للقسم بتاعه علشان يرد على اسئله الطلبة
الطلية كانت بتدخل تشارك وتنزل المحاضره بمحاضرتها بملفات ورد وبوربوينت
والفديوهات وكل وسائل النقل الحديثة
والاسئله والجابات والاستفسارات .. حاجه تشرح النفس يعنى

كانوا بيستفيدوا بيه علميا وعمليا بنسبة 100 %

الصراحه انا اعجبت بالعالم دى جدا .. وتخيلت فى لحظه اننا لو نقدر نعمل زيهم

تخيلوا معايا للحظه

1- لو خلينا اهتمامنا الاول الدراسه والعلم .. مش بس محضرات وسكاشن
لا وكل الجديد فى مجالنا والابحاث والاختراعات .... الخ

2- ساعدنا بعضنا وحطينا استفسرات واللى عارف يجاوب

3- كل دفعه تروح تقول لمعيديها لو سمحت فى منتدى وعايزين مشاركه حضرتك
الكليه دخلها النت فى كل الاقسام يا جماعه .. مش هيقولوا لأ

4- نفهم ان النت نعمة من عند ربنا علشان تبقى وسيله اسرع فى الاتصال وانتشار العلم

ممكن يحصل ايه

اسفاده علمية كبيره جدا لينا كلنا

اكتساب الكتير من الخبرات .. غير فهم كل موادنا عملى ونظرى .. وطبعا النجاح باذن الله

التقرب من الدكاتره والمعيدين .. وهيعرفوا احنا محتاجين ايه

ممكن اللى مش بيحب الكليه والدراسه .. يغير رائيه ويحس انه دكتور بجد وليه قيمة

وحاجات كتير اوى يا جماعه .. ان مش هاكمل انا هاسيبكم لخيالكم تشوفوا ممكن نكسب ونستفيد بايه تانى

طيب
حد فيكم هيسالنى طيب احنا ممكن نعمل ايه .. دلوقتى؟؟

هو فى حاجات كتير بس انا هاقول اللى فكرت فيه دلوقتى

1- اولا نبتدى بنفسينا ونهتم بالاقسام العمليه جدا
2- كل واحد فى سكشنه يقول للمعيد على المنتدى والقسم بتاعه
3- نقول لكل زمايلنا انهم يدخلوا ويشاركوا
4- نحاول نفتح التسجيل فى المنتدى من تانى .. علشان الكل يقدر يشارك
5- ننشط الاقسام بشرح تقط فى المنهج احنا عارفينها وطلب مناقاشات حول موضوع معين مثلا
6- المشرفين يكونوا قدوة بجد ويشتعلوا بذمة

وحاجات كتير واللى عنده اقتراح يضيف

يا جماعه انا شايف المستقبل حلو .. فيا ترى انتم شيفينه ايه؟

انا مش عاااااارف اقولك ايه يا كليفر
انت قولت كل الي انا نفسي فيه من زمان من اول ما المنتدي بتاعنا ابتدي
ودا الي انا بحاول اعمله من زمااان و مافيش حد كان بيعبرني بتعليق يفتح النفس
يا جمااااعه احنا دكاتره والواضح ان احنا بعدنا عن الموضوع ده جدا
انا معاك يا كليفر و عن نفسي انا محضر مفاجأه انشاء الله الدكتور عصام بتاع الولاده يساعدني فيها و دي هاتفيدنا كلنا انشاء الله
شكرا لمجهود ك و اهتمامك

شكرا ليك يا مايكل على تعاونك

وانا عارف انك على طول عمال تقول وتنصح

بس احنا دلوقتى مش فى اللى فات .. احنا فى اللى جاى
اللى جاى هو اللى فى ايدينا

يا ريت الكل يدخل ويقول رائيه ايه وممكن نعمل ايه ؟؟

أنا معاك فى اللى انت قلته يا كليفر ..

وفعلا لازم نبدأ بنفسنا ...
ونحط مواضيع مفيدة فى اقسام الفرق المختلفة ....
بس فعلا ممكن ينفع المعيدين والدكاترة يدخلوا على منتدانا .. بدون اى مشاكل ...؟
يا ريت التوضيح ..

ايوه طبعا يا استاذ

فالمنتدى معترف بيه فى الكليه .. ومعتقدش ان ممكن اى دكتور او معيد
هيمانع انه يفيد الطلبة .. بس لازم نشتغل احنا الاول

يلا يا جماعه افكار واقتراحات وتنفيذ

عايزين نشتغل بجد

مافيهاش مشكله يا استاذ ما الدكتور محمد عبد المجيد بتاع البطانه موجود معانا والدكتور مصطفي المعداوي بتاع الشرعي والدكتور ابراهيم الدسوقي بتاع البكتريا وغيرهم
بالعكس هما ممكن بفيدوان اكييييد بخبرتهم خصوصا في الشغل العملي
ودا الي انا نحضره مع الدكتور عصام بتاع الولاده انشاء الله قريب
شكرا ل اهتمامك يا استاذ

تمام يا مايكل

ناقص بس ان الطلية كلها تشارك بجد ونقول لكل الدكاتره عليه

فكره جميله

ياريت بجد نحاول ننفذها

اننا عن نفسى موافقه جدا على الكلام ده

فعلا انا شايفه اننا بعدنا خالص عن الاقسام العلميه
والا هى ممكن تكون اهم دلوقتى من اى حاجه تانيه
ياريت ياجماعه كل واحد يحاول انه يتكلم عن المجال بتاعنا شويه وبالذات طلبه سنه خامسه واحنا معاهم ان شاء الله
والله المستعان

سندريلاا كتب:: فكره جميله

ياريت بجد نحاول ننفذها

شكرا يا سندريلا

وطبعا مستنين مشركتك فى قسم تانيه واولى كمان

بـــوسـ كات ــى كتب:: اننا عن نفسى موافقه جدا على الكلام ده

فعلا انا شايفه اننا بعدنا خالص عن الاقسام العلميه
والا هى ممكن تكون اهم دلوقتى من اى حاجه تانيه
ياريت ياجماعه كل واحد يحاول انه يتكلم عن المجال بتاعنا شويه وبالذات طلبه سنه خامسه واحنا معاهم ان شاء الله
والله المستعان

جميل يا بوسى كلامك

بس احنا عايزين تنفيذ لان وقت الكلام انتهى

ويا ريت افكار ومقترحات اكتر يا شباب

بالنسه للاقتراحات :

نقوم بوضع cases زى ما دكتور اسلام بدأ والكل يشارك فيها
نتكلم مثلا عن مرض معين واى حد عنده معلومه عن المرض ده يقولها

اها بس للى فى اولى وتانيه وثالثه مش هتفيدهم اوى دلوقتى

انا كمان من رائى اللى عنده مشكله فى اى ماده يحطها فى القسم
واللى مش فاهم جزئيه معينه فى اى ماده .. يكتب فى القسم المخصص
وزمايله فى الفرقة يساعدوه

انا نفسي نبطل كلام كتير ونعمل ولو نص اللي بنقول عليه

حصل قبل كده اننا اتكلمنا كتير قوي في الموضوع ده وهما شويه حماس ونلاقي الكل زهق

المهم انا معاكم في الموضوع ده وياريت فعلا نهتم بدراستنا شويه

كلام جميل

والله يا جماعه الفكرة دى لو اتنفذت هتبقى ممتازة

انا معاكم وكمان نفسى تفهمونا حاجات كتير عن الطب البيطرى وشغلها ايه للمستجدين وشكراا

السلام عليكم ورحمه الله وبركاته
الظاهر المنتدى ابتدى يشتغل صح
فكره هايله
وان شاء الله الكاتره توافق ومش يكون فى اى اعتراض
الدكتور عصام هيساعد كتير

ممكن ابدا اول موضوع النهارده
هو مرض الفتره دى
adematus skoin disease
ا اسم المرض ياريت كل حد يدخل ويقول معلوماته عنه
لان المرض دا بيكون موجود فى ىالفتره من شهر 4 الى شهر 8
بيكون عباره عن ورم فى الجلد نتيجه لتكون سائل
المرض بيكون موجود طول المده دى حتى مع العلاج ممكن يختفى وبعدين يرجع يظهر تانى
وبعد شهر 8 الى شهر 10 بيبتدى يكون صديد وهنا ممكن الدكتور يبتدى يتفح وبتعامل معاه على انه صديد عادى ويتنضف الجرح كويس ويخيط زى دكتور عء
ممكن نستخدكم فى العلاج مضاد حيوى بس يكون طويل المدى
لان انت بتشتغل على فيرس
فانت اسلوبك فى العلاج انك بتحاول تقوى مناعه الجسم علشان هو يطرد الفيرس دا
دى معلومه بسيطه ياريت الباقى يكمل عليها
لو فى اضافه يكون فيها اسم الفيرسوالخصاءص بتاعه كدا يعنى

المرض دي بشري ولا بيطري