الحب من اول نظره هل تومنوا به؟؟؟؟؟

اود من كل الموجودين التحدث واعطاء الراى فى هذا الموضوع؟

اولا اهلا بيك في المنتدي يا ra
بس مش حضرتك المفروض تعرفنا بنفسك؟؟ Smile

وانا هاجاوب سؤالك انا ب اؤمن بالحب من اول نظره بس في ظروف معينه
واهلا بيك مره تانيه في المنتدي

انا احمد الشرقاوى من دسوق وانا اتشرفت انى انضميت لبكم ويا رب اكون عضو ممتاز فى المنتدى ومزعلش حد منى انا شاء الله وبطلب من كل الاعضاء الرد

أنا بأرحب بيك أشد الترحيب يا أحمد يا شرقاوى ...

بس باعاتبك برضه ... كان الأولى من الموضوع ده انك تعرفنا على نفسك .. لانك فى قسم التعارف والترحيب بالأعضاء الجدد ....
وما لوووووووش دعوة بالحب من اول نظرة ولا لا ...؟
وباطلب من المشرفين نقل موضوع احمد الشرقاوى .... للمناقشات العامة ....
والأعضاء يقولوا آرائهم بصراحة ....
مرحبا بيك مرة اخرى يا أحمد

بنرحب بيك يا احمد معانا في المنتدي

ومعلش انا هنقل الموضوع لقسم المشاكل العاطفيه
وان شاء الله الاعضاء يردو علييك باستفاضه

الحب من اول نظره هل تومنوا به؟؟؟؟؟
الحب من اول نظرة!!!!هل دة حقيقة ولا مجرد كلام؟؟؟؟

كيف تعرف أن البنت تحبك ؟؟والعكس
أيهما تفضل تحب أم تنحب ؟؟؟

انا بحب اشكر كل من ساهم علشان يوصل المواضيع الفظيعه جدا دى للجمهور وللمنتدى ولو خدتوا بالكوا ممكن تلاقوا ان فى تشابه بسيط شويه بين اول موضوع وتانى موضوع
بس برده اكيد دكتور الشهاوى ليه وجهه نظر ...نحى الشهاوى على انه بيفتح عقولنا وانظارنا وقلوبنا المنيره
اه صحيح دى شويه عناوين لمواضيع موجوده فى القسم الجبار ده
الشىء الغريب فعلا ..ان فى ناس كتير جدا ردت على المواضيع دى وقعدوا يتناقشوا يعنى وبتاع..ياريت بس حد يفهم اللى موجودين اننا فى بيطرى لا وكمان فى بيطرى كفر الشيخ ..يعنى مفيش اصلا مكان لا لحب ولا اعجاب ولا كلام من ده فالكلام ده كله بالنسبالكم كلام خيالى...
وشكرااااااااااااااا

لألألألألألألألأ يا اندي اوعى تقول كده
الحب حاجه عظيمه وموجوده في كل الاوقات والاماكن حتى لو في كفر الشيخ
وازاي تقول كده على الحب وانت اصلا (ز##ر) الكليه
عيب عليك كده احسن ماكمل الجمله وافضحك

انا مش فاهم العضو آندى يقصد ايه
يعنى ايه يعنى مفيش حب فى كفر الشيخ
مع انى بحب 4 فى كفر الشيخ ومن اول نظره كمان
متصدقوش يا جماعه كلام العضو ده ودوروا على الحب تحت كل حجر وفى كل زاويه فى حضن كفر الشيخ الحبيبه.
وربنا يوفقكوا وتلاقوا الحب زيى
مع السلامه

شكرا يا دكاتره علي الموضوع الجميل ده
والحقيقه ان كنت زبون هنا في القسم ايام مكان ماسكه فارس الرومانسيه الشهاوي ولسه زبون براه برده
انا عندي الدليل الدامغ علي وجود الحب في كفر الشيخ
انا لحد اسبوعين فاتو كنت يائس من حياتي لكن فجاه يشاء الله العلي القدير اني الاقي كبير المشرفين الاعظم خرج بنظريه من نظرياته المهوله وقاللي
يا وانكر يبني انت بحب بس في الاوعي
وكانت دي الكلمه الي غيرت حياتي
الي انا عايز اقوله
ان الحب موجود جوه كل واحد فينا بس محتاج عشره ساغ تكحته زي كرت الشحن
انا كبير المشرفين هو الي كحتني
دورو انتو كمان علي ناس تكحتكو
(لمزيد من المعلومات عن هزا الموضوع نرجو مراجعة موضوع انواع الحب للعلامه فارس الرومانسيه الشهاوي)

يا سلام يا وانكر
ياريت تكلمنا اكتر عن تجربتك العاطفيه فى اللاوعى
وتقولنا مين سعيده الحظ اللى كنت بتحبها من غير ما تعرف دى
وتعرفنا ازاى كبير المشرفين عرف الحكايه دى
وايه هى نظريته بالظبط
كل دى اسئله مستنيينك تجاوب عنها

Embarassed

ميرسي يا دكتور ريد ديفل علي المرور وجزاك ربي خيرا
الحقيقه ان انا شرحت كل ملابسات الموقف فوق
اما بالنسبه بقا لسعيدة الحظ دي وعن اسمها فمينفعش اقوله
ولو عايز تعرف اسمها هكتبهولك علي اسطورة الحكايات المنسيه بكره

طب انا بصراحه كان نفسى من زمان اخد رأيكوا وراى الدكتور العاطفى الشهاوى فى مشكله ليا كده

انا ياجماعه بحب واحده معانا فى الكليه
بحبها بقالى دلوقتى 8 سنين
ومن كتر منا بحبها عمرى ماعرفتها انى بحبها وعمرى ماقلت فيها كلمه حلوه
وكمان لانى بحبها اوى ومقدرش استغنا عنها وزعت رقمها على كل اللى اعرفهم علشان يتكلموا معاها ويعرفوا قد ايه هيا انسانه اجتماعيه وبتكلم اى حد
واللى انا بحبها دى كل ما تكلم معاها فى الكليه ويجيلها تليفون واشوف الرقم اللى بيتصل بيها وابقا عارف انه رقم واحد صاحبى وهيا تقولى دا رقم بنت خالتى ..دى بتبقا اسعد لحظات حياتى لانى بحب هزارها ده جدا وبحب بأنى راجل جداوبفرح اوى انها بتكلم كل اصحابى وبتكلم اى حد يرن عليها بس
وعاوز اخد رايكم فى حاجه ....انا اصحابى قالولى انه عيد ميلادها كمان اسبوع
تفتكروا اجيب لحبيبتى المخلصه ايه فى عيد ميلادها

طبعا كالعاده انا موجود علشانكوا
وعشان احل مشاكلكوا العاطفيه كلها

عزيزى آندى
حيره اختيار هديه عيد الميلاد دى مش مشكله كبيره
لأن طبعا زى ما انت عارف الهديه فى قيمتها المعنويه مش الماديه
وعامه انت احسن هديه تجيبها للبنت المخلصه دى
هى
موبايل من اللى بياخد خطين
عشان يبقى عندها امكانيه اكبر انها تكلم كل اصحابك
ولو خط منهم مشغول او حاجه ممكن اصحابك يتصلوا على الخط التانى
وياريت تسلملى عليها وتكتب الرقمين هنا عشان اباركلها بنفسى

انا بشكر شهاوى المنتدى الجديد...ريد ديفيل وبقوله فعلا دى هديه جميله جدا

بس فى مشكله حبيبه قلبى اللى بموت فيها دى مبتحبش الكلام على الموبيل حتى اى موبيل بيجيلها بتقوله خلاص كلمنى على البيت ..فياريت حل تانى وبالمناسبه صحيح
انا حاسس انى مزودها معاها شويه او بمعنى اصح متساهل معاها الى حد ما لان ساعات بيجيلها تليفونات على البيت بعد الفجر واانا نبهت عليها كام مره .مدام الفجر اذن تشيلى فيشه التليفون..تفتكروا اشد عليها كمان شويه ولا هبقا بظلمها كده

آآآآآآآآآآآآآآآآآآآآآآآآآآآآه
كده الموضوع اختلف تماما

اقتباس :: حبيبه قلبى اللى بموت فيها دى مبتحبش الكلام على الموبيل حتى اى موبيل بيجيلها بتقوله خلاص كلمنى على البيت ..فياريت حل تانى

بالنسبه للنقطه دى فكده بقا انا بقترح انك تجيبلها كرت شحن منزلى من ابو 100 عشان هى بقا اللى تتصل باصحابك

اقتباس :: ساعات بيجيلها تليفونات على البيت بعد الفجر واانا نبهت عليها كام مره .مدام الفجر اذن تشيلى فيشه التليفون

مع خالص احترامى
انا مش معاك فى النقطه دى
انت ظالم صحيح بقا بعد الفجر متتكلمش ايه الافترا ده لأ وعاوز تشد عليها كمان
دا انت انسان عجيب صحيح
طب افرض ان كان واحد صاحبك اوى هو اللى عاوز يكلمها بعد الفجر يبقى ايه الحل
اكبروا بقا فى علاقتكوا
علاقه زى دى مبنيه على الثقه فى الآخر لازم يبقى فيها حريه
ومن هذا المنطلق بقولك سيبها تتكلم لغايه الساعه 8 او 9 الصبح
وشكراااااااااااااااااااا

جزاك الله خيرا يا دكتور ريدفلاوى وشكرا على مرورك وانا فعلا هاعمل اللى حضرتك قلتلى عليه ده

بس فى حاجه .مش انا الراجل اللى يوافق ان اللى بيحبها تكلم صاحبه بعد الفجر بس ..مستحيل ابقا الانسان ده ...انا موافق انها تكلم اى حد بعد الفجر وقبل الفجر .وانا اسف يا حبيبتى لو كنت مارست شخصيتى القويه عليكى شويه..بس بعد كده مش هبقا سى السيد اللى اتعودتى عليه تانى...وشكرا ليكوا يا جماعه
بجد المنتدى بقا مفيد جدا ...
ومعا للرقى بمنتداانا
_________________
الحب من اول نظره هل تومنوا به؟؟؟؟؟ T-r-7210

الحب من اول نظره هل تومنوا به؟؟؟؟؟ T-r-7210

هو انتم الاتنين بتغنوا وتردوا علي بعض

المهم صوتكوم وحش اووووووووي
ويجعله عامر